სამეცნიერო-ინტელექტუალური კლუბი თაობათა დიალოგი
საკონტაქტო
ვებ-გვერდი
https://www.ricdog.orgელ-ფოსტა
[email protected]ტელეფონი
+995598290627მისამართი
ქუთაისი / კუპრაძე ვიქტორის ქ. -7
RICDOG-ის მოხალისეებმა ახალი, სახალხო დაფინანსების კამპანია, “დაიწყე ცვლილება შენით!” წამოიწყო!
20.09.2025
ორბელიანი მეტის პლატფორმის მეშვეობით, RICDOG-ის მოხალისეების და გუნდის წევრების ახალი ინიციატივა “აჩუქე განათლების შესაძლებლობა ქუთაისელ ბავშვებს!” მხარდაჭერებს ეძებს. სახალხო დაფინანსებით სამიზნე თანხის შეგროვების შემთხვევაში იდეა ევროკავშირის (EU) და გაეროს განვითარების პროგრამის (UNDP) თანადაფინანსებით დამატებით რესურსებს მიიღებს. კამპანიის შინაარსი მოხალისე ახალგაზრდების ინიციატივით და RICDOG-ის გუნდთან თანამშრომლობით, ქუთაისში იგეგმება ინოვაციური პროგრამის შექმნა სოციალურად დაუცველი ბავშვებისთვის. პროგრამა დაფუძნებულია „ART is Fun +“ მეთოდებზე და მიზნად ისახავს 60 ბავშვის კრეატიული, აკადემიური და პიროვნული განვითარების ხელშეწყობას.პროგრამა 6 კვირაზეა გათვლილი და მოიცავს ყოველკვირეულ შეხვედრებს ახლადშექმნილ სოციალურ საწარმოში ქუთაისში. აქ ბავშვებს ელით უსაფრთხო და მხარდამჭერი სივრცე, სადაც მათთან ერთად იმუშავებენ ენერგიული და მოტივირებული მოხალისე ახალგაზრდული მუშაკები.პროგრამა: მოხალისეები აქტიურად ჩაერთვებიან როგორც პროგრამის დაგეგმვაში, ისე ყოველკვირეულ შეხვედრებში, რაც შექმნის შთამაგონებელ გარემოს, სადაც ბავშვები სწავლობენ, იზრდებიან და მოტივაციას იღებენ.პროგრამის განხორციელებას თან ახლავს მნიშვნელოვანი დამატებითი სარგებელიც: გაუმჯობესდება სოციალური საწარმოს სივრცე, გაძლიერდება არსებული პროგრამა და მომავალში შესაძლებელი გახდება ნაკლები რესურსებით უფრო მეტი სოციალურად დაუცველი ბავშვისა და მათი ოჯახების მხარდაჭერა. ეს ინიციატივა ქმნის […]
The post RICDOG-ის მოხალისეებმა ახალი, სახალხო დაფინანსების კამპანია, “დაიწყე ცვლილება შენით!” წამოიწყო! first appeared on RICDOG.
გამოქვეყნებულია
სამეცნიერო-ინტელექტუალური კლუბი თაობათა დიალოგი
სხვა სიახლეები
20.09.2025
50-მდე ქუთაისელი ახალგაზრდასთვის ევროკაშირის საინფორმაციო შეხვედრა გაიმართა
პროექტის „იმოქმედე საქართველოსთვის“ ფარგლებში, ახალგაზრდა ლიდერების ინიციატივით 50-მდე ქუთაისელი ახალგაზრდასთვის ევროკაშირის საინფორმაციო შეხვედრა გაიმართა. შეხვედრას საქართველოში ევროკავშირის წარმომადგენლობის განვითარების და თანამშრომლობის განყოფილების ხელმძღვანელი ნიკოლას სენდროვიჩი ესწრებოდა. RICDOG-ის ოფისში გამარტული საინფორმაციო შეხვედრის ფარგლებში ახალგაზრდები სპეციალურად დაგეგმილ 3 აქტივობაში ჩაერთვნენ: – „დისკუსია ნარატივებზე“ – სადისკუსიო ვორქშოფი; – “ევროპის გზა: – სამაგიდე თამაში ევროკავშირის შესახებ; – შემოქმედებითი ვორქშოპი – “გამოხატე შენი ევროპა“. ინფორმაციისთვის: იმერეთის რეგიონში შერჩეული ახალგაზრდა ლიდერები „იმოქმედე საქართველოსთვის: მტკიცე და აქტიური სამოქალაქო საზოგადოება ცვლილებებისთვის“ ფარგლებში სხვადასხვა აქტივობებს ახორციელებენ. „იმოქმედე საქართველოსთვის“ მიზნად ისახავს საქართველოს რეგიონებში სამოქალაქო საზოგადოების გაძლიერებას, დემოკრატიული მმართველობის ხელშეწყობას და მოქალაქეთა ჩართულობის გაზრდას. პროექტი ორიენტირებულია სამოქალაქო სექტორის ინსტიტუციურ განვითარებასა და მისი მდგრადობის უზრუნველყოფაზე. პროექტის ფარგლებში RICDOG ასრულებს იმერეთის სამოქალაქო საზოგადოების ჰაბის ფუნქციას და აქტიურად მუშაობს რეგიონში სამოქალაქო სექტორის გაძლიერებაზე. პროექტი ხორციელდება ევროკავშირისა და კონრად ადენაუერის ფონდის მხარდაჭერით. The post 50-მდე ქუთაისელი ახალგაზრდასთვის ევროკაშირის საინფორმაციო შეხვედრა გაიმართა first appeared on RICDOG.
20.09.2025
რა არის დემოკრატია?! – ახალგაზრდების თვალით დანახული “დემოკრატია”
15 სექტემბერი – დემოკრატიის საერთაშორისო დღეა! ჩვენ, ახალგაზრდა ლიდერთა ბანაკის მონაწილეებს ვკითხეთ – რა არის მათთვის დემოკრატია? შეგახსენებთ, ბანაკი პროექტის “იმოქმედე საქართველოსთვის: მტკიცე და აქტიური სამოქალაქო საზოგადოება ცვლილებებისთვის” ფარგლებში განხორციელდა და მასში მონაწილეობდნენ დასავლეთ საქართველოს 4 რეგიონიდან ახალგაზრდები. პროექტის ფარგლებში RICDOG ასრულებს იმერეთის სამოქალაქო საზოგადოების ჰაბის ფუნქციას და აქტიურად მუშაობს რეგიონში სამოქალაქო სექტორის გაძლიერებაზე. პროექტი ხორციელდება ევროკავშირისა და კონრად ადენაუერის ფონდის მხარდაჭერით. The post რა არის დემოკრატია?! – ახალგაზრდების თვალით დანახული “დემოკრატია” first appeared on RICDOG.
20.09.2025
სამოქალაქო განათლების ჩემპიონების პროგრამა შემაჯამებელი კონფერენციით დასრულდა
სამეცნიერო-ინტელექტუალური კლუბმა „თაობათა დიალოგი“ (RICDOG) წარმატებით დაასრულა „Civic Education Champions“ პროგრამა, რომელიც ევროპის საბჭოს პროექტის „დემოკრატია იწყება სკოლაში – მოსწავლეთა ჩართვა გადაწყვეტილების მიღების პროცესებში სკოლასა და ადგილობრივ თემში“ ფინანსური მხარდაჭერით განხორციელდა. დასკვნითი კონფერენცია, რომელიც პროგრამის შემაჯამებელ ღონისძიებად იქცა, გააერთიანა 120 მონაწილე, მათ შორის მშობლები, პედაგოგები, ახალგაზრდები და სამოქალაქო სექტორის წარმომადგენლები. ბოლო ორი თვის განმავლობაში, იმერეთის 12 მუნიციპალიტეტის ახალგაზრდული სამოქალაქო განათლების კლუბები აქტიურად მუშაობდნენ თავიანთ თემებში – გეგმავდნენ, ქმნიდნენ და ახორციელებდნენ ინიციატივებს, რომლებმაც 250-ზე მეტი ახალგაზრდა და 700-ზე მეტი აქტივობა გააერთიანა. პროგრამა დაფუძნებული იყო გეიმიფიცირებულ მიდგომაზე, რაც მონაწილეებს კიდევ უფრო მეტ მოტივაციას აძლევდა. კონფერენციაზე გამოვლინდა გამარჯვებული კლუბები: გამარჯვებულ კლუბებს გადაეცათ სიმბოლური საჩუქრები, რომელთა ნაწილი კერძო სექტორის მხარდაჭერით იქნა უზრუნველყოფილი. ორგანიზატორები მადლობას უხდიან საკანცელარიო მაღაზიას „Pencilled“, მარკეტინგულ სააგენტოს „Vento“ და კომპანიას „ხემსი“ მხარდაჭერისთვის. პროექტმა კიდევ ერთხელ აჩვენა, თუ რამდენად მნიშვნელოვანია ახალგაზრდების გაძლიერება, თემში მათი ჩართულობა და ინიციატივების ხელშეწყობა, რაც ადგილობრივ საზოგადოებებში პოზიტიურ ცვლილებებს ქმნის. The post სამოქალაქო განათლების ჩემპიონების პროგრამა შემაჯამებელი კონფერენციით დასრულდა first appeared on RICDOG.
20.09.2025
ეს შედეგები შემთხვევითი არ არის!
დღეს, გავრცელებული კვლევის შედეგები, რომელიც UNICEF-ის დაკვეთით ჩატარდა და აღწერს 18-24 წლამდე ახალგაზრდების განათლების, დასაქმებისა და სოციალური მონაწილეობისთვის არსებული ვითარების სირთულეებს, ნათლად ასახავს იმ სისტემურ პრობლემებს, რომელთა წინაშეც ახალგაზრდული სფერო საქართველოში დგას. ეს შედეგები შემთხვევითი არ არის! კვლევა პირდაპირ მიგვანიშნებს იმ კრიზისზე, რომელიც წლების განმავლობაში გროვდებოდა და განსაკუთრებით გამწვავდა ბოლო პერიოდში. ერთის მხრივ, ახალგაზრდული პოლიტიკის მონაწილეობრივი განვითარება შეფერხებულია – ახალგაზრდებს და ახალგაზრდული პოლიტიკის აქტორებს ნაკლებად აქვთ შესაძლებლობა ჩაერთონ გადაწყვეტილებების მიღების პროცესებში, ხოლო სამოქალაქო ორგანიზაციებზე, მათ შორის ახალგაზრდულ ორგანიზაციებზე და გაერთიანებზე, გაზრდილია როგორც საკანონმდებლო, ასევე საოპერაციო წნეხი და რისკები, რაც რეგიონებში განსაკუთრებით იგრძნობა. ბუნებრივია, სამოქალაქო სექტორისთვის შექმნილი არახელსაყრელი და რეპრესიული გარემო და პოლიტიკური არასტაბილურობა – პირდაპირ აისახება ახალგაზრდულ პროგრამებსა და სერვისებზე. მეორეს მხრივ, ევროპული ინტეგრაციის პროცესის შეფერხება და მის ირგვლივ შექმნილი გაურკვევლობა ახალგაზრდებისთვის კიდევ ერთი ხელშესახები გამოწვევაა. იკლებს საერთაშორისო საგანმანათლებლო და გაცვლითი პროგრამები, მცირდება ახალგაზრდული შესაძლებლობები, არ ხორციელდება სისტემური და გრძელვადიანი მუშაობა ახალგაზრდებთან და ნაკლებად არის მხარდაჭერილი არაფორმალური, ახალგაზრდული სივრცეების განვითარება. […] The post ეს შედეგები შემთხვევითი არ არის! first appeared on RICDOG.
20.09.2025
იმერეთის სამოქალაქო საზოგადოების წარმომადგენლებთან შეხვედრა
პროექტის – „იმოქმედე საქართველოსთვის: მტკიცე და აქტიური სამოქალაქო საზოგადოება ცვლილებებისთვის“ ფარგლებში, იმერეთის სამოქალაქო საზოგადოების წარმომადგენლებთან შეხვედრა გაიმართა. იმერეთის რეგიონული ჰაბის — სამეცნიერო-ინტელექტუალური კლუბის „თაობათა დიალოგი“ (RICDOG) ოფისში გამართულ შეხვედრაზე: • მონაწილეებბმა იმსჯელეს სამოქალაქო საზოგადოების წინაშე არსებულ გამოწვევებზე და სფეროში არსებულ მდგომარეობაზე; • სამოქალაქო საზოგადოების წარმომადგენლებს შესაძლებლობა ჰქონდათ ორგანიზაციული გამოცდილებები გაეზიარებინათ ერთმანეთისთვის და ხედვები გაეცვალათ; • შეხვედრაში მონაწილე პირებს, პროექტის ფარგლებში, RICDOG-ის ოფისში შექმნილი ევროკავშირის საინფორმაციო კუთხე წარუდგინა გენერალურმა მდივანმა ირაკლი თევზაძემ. ცოტა მეტი პროექტის შესახებ: „იმოქმედე საქართველოსთვის“ მიზნად ისახავს საქართველოს რეგიონებში სამოქალაქო საზოგადოების გაძლიერებას, დემოკრატიული მმართველობის ხელშეწყობას და მოქალაქეთა ჩართულობის გაზრდას. პროექტი ორიენტირებულია სამოქალაქო სექტორის ინსტიტუციური განვითარებისა და მდგრადობის უზრუნველყოფაზე. პროექტის ფარგლებში RICDOG ასრულებს იმერეთის სამოქალაქო საზოგადოების ჰაბის ფუნქციას და აქტიურად მუშაობს რეგიონში სამოქალაქო სექტორის გაძლიერებაზე. – პროექტი ხორციელდება ევროკავშირისა და კონრად ადენაუერის ფონდის მხარდაჭერით. გაიგე მეტი პროექტის შესახებ: The post იმერეთის სამოქალაქო საზოგადოების წარმომადგენლებთან შეხვედრა first appeared on RICDOG.
20.09.2025
RICDOG-ის მოხალისეებმა ახალი, სახალხო დაფინანსების კამპანია, “დაიწყე ცვლილება შენით!” წამოიწყო!
ორბელიანი მეტის პლატფორმის მეშვეობით, RICDOG-ის მოხალისეების და გუნდის წევრების ახალი ინიციატივა “აჩუქე განათლების შესაძლებლობა ქუთაისელ ბავშვებს!” მხარდაჭერებს ეძებს. სახალხო დაფინანსებით სამიზნე თანხის შეგროვების შემთხვევაში იდეა ევროკავშირის (EU) და გაეროს განვითარების პროგრამის (UNDP) თანადაფინანსებით დამატებით რესურსებს მიიღებს. კამპანიის შინაარსი  მოხალისე ახალგაზრდების ინიციატივით და RICDOG-ის გუნდთან თანამშრომლობით, ქუთაისში იგეგმება ინოვაციური პროგრამის შექმნა სოციალურად დაუცველი ბავშვებისთვის. პროგრამა დაფუძნებულია „ART is Fun +“ მეთოდებზე და მიზნად ისახავს 60 ბავშვის კრეატიული, აკადემიური და პიროვნული განვითარების ხელშეწყობას.პროგრამა 6 კვირაზეა გათვლილი და მოიცავს ყოველკვირეულ შეხვედრებს ახლადშექმნილ სოციალურ საწარმოში ქუთაისში. აქ ბავშვებს ელით უსაფრთხო და მხარდამჭერი სივრცე, სადაც მათთან ერთად იმუშავებენ ენერგიული და მოტივირებული მოხალისე ახალგაზრდული მუშაკები.პროგრამა: მოხალისეები აქტიურად ჩაერთვებიან როგორც პროგრამის დაგეგმვაში, ისე ყოველკვირეულ  შეხვედრებში, რაც შექმნის შთამაგონებელ გარემოს, სადაც ბავშვები სწავლობენ, იზრდებიან და მოტივაციას იღებენ.პროგრამის განხორციელებას თან ახლავს მნიშვნელოვანი დამატებითი სარგებელიც: გაუმჯობესდება სოციალური საწარმოს სივრცე, გაძლიერდება არსებული პროგრამა და მომავალში შესაძლებელი გახდება ნაკლები რესურსებით უფრო მეტი სოციალურად დაუცველი ბავშვისა და მათი ოჯახების მხარდაჭერა. ეს ინიციატივა ქმნის […] The post RICDOG-ის მოხალისეებმა ახალი, სახალხო დაფინანსების კამპანია, “დაიწყე ცვლილება შენით!” წამოიწყო! first appeared on RICDOG.
20.09.2025
მეგა TV-ის საინფორმაციო გამოშვების სტუმარია ნუგზარ კოხრეიძე
როგორ მოქმედებს ისრაელ-ირანის შეიარაღებული კონფლიქტი საქართველოზე? რას ნიშნავს ვიზალიბერალიზაციის შესაძლო შეჩერება ქვეყნის ევროპული მომავლისთვის? სწორედ ამ და სხვა მნიშვნელოვან საკითხებზე ისაუბრა სამეცნიერო-ინტელექტუალური კლუბის „თაობათა დიალოგი“ (RICDOG) თანადამფუძნებელმა და თავმჯდომარემ, ნუგზარ კოხრეიძემ, ტელეკომპანია „მეგა TV“-ის საინფორმაციო გამოშვებაში. 🔗 იხილეთ ვიდეო ⤵️ The post მეგა TV-ის საინფორმაციო გამოშვების სტუმარია ნუგზარ კოხრეიძე first appeared on RICDOG.
20.09.2025
რატომ არის მნიშვნელოვანი ბავშვების პიროვნული და სოციალური უნარების განვითარებაზე მუშაობა ადრეულ ასაკში?
ბავშვობაში განვითარებული კომუნიკაციის, ემოციური ინტელექტისა და თანაგრძნობის უნარები მნიშვნელოვანი საფუძველია იმისა, რომ მომავალში ისინი ჩამოყალიბდნენ ძლიერი, წარმატებული და თავდაჯერებული პიროვნებები. სწორედ ამ თემაზე ისაუბრა გვანცა თოთაძემ, RICDOG-ის მეორე ვიცე-პრეზიდენტმა, გადაცემაში „ჩვენი დღე“, ტვ რიონის ეთერში. გადაცემაში გაეცნობით, როგორ ხორციელდება პროგრამები და სატრენინგო სესიები RICDOG-ის ტრენინგ ცენტრის მიმართულებით და რატომ მიგვაჩნია, რომ უნარებზე დაფუძნებული მიდგომა ბავშვთა განვითარებაში გადამწყვეტ როლს თამაშობს. The post რატომ არის მნიშვნელოვანი ბავშვების პიროვნული და სოციალური უნარების განვითარებაზე მუშაობა ადრეულ ასაკში? first appeared on RICDOG.
20.09.2025
„Civic Education Champions“ Camp
4 დღიანმა ბანაკებმა, რომელიც არაფორმალური განათლების პრინციპებზე იყო დაფუძნებული, ჯამში უმასპინძლა 48 ახალგაზრდას იმერეთის 12 მუნიციპალიტეტიდან ორ ნაკადად. ბანაკის თითოეული დღე სპეციალურად იყო დაგეგმილი — სამოქალაქო ჩართულობის, ლიდერობის, გუნდური მუშაობის, ინიციატივების დაგეგმვისა და კომუნიკაციის თემების გარშემო, პრაქტიკული და თეორიული ცოდნის მისაღებად. მომდევნო 2 თვის განმავლობაში, ახალგაზრდები სამოქალაქო განათლების მუნიციპალური კლუბების საქმიანობაში იქნებიან ჩართულები და გეიმიფიცირების მიდგომით შექმნილ პროგრამაში მიიღებენ მონაწილეობას — თემში ცვლილებების წამოსაწყებად. პროექტის ფარგლებში, იმერეთის 12 მუნიციპალიტეტის ახალგაზრდებისთვის სხვადასხვა აქტივობები გაიმართება, რომელსაც ძირითადად სამოქალაქო განათლების მუნიციპალური კლუბები განახორციელებენ. პროექტის ფარგლებში, იმერეთის 12 მუნიციპალიტეტის ახალგაზრდებისთვის სხვადასხვა აქტივობები გაიმართება, რომელსაც ძირითადად სამოქალაქო განათლების მუნიციპალური კლუბები განახორციელებენ. პროექტს ახორციელებს სამეცნიერო-ინტელექტუალური კლუბი „თაობათა დიალოგი“ (RICDOG), ევროპის საბჭოს პროექტის „დემოკრატია იწყება სკოლაში – მოსწავლეთა ჩართვა გადაწყვეტილების მიღების პროცესებში სკოლასა და ადგილობრივ თემში“ ფინანსური მხარდაჭერით. The post „Civic Education Champions“ Camp first appeared on RICDOG.
20.09.2025
დასრულდა პროგრამა „სამოქალაქო განათლების ჩემპიონების“ მეორე ფაზა!
გეიმიფიცირებული პროგრამა, RICDOG-მა თავდაპირველად USAID-ის სამოქალაქო განათლების პროგრამის ფარგლებში წამოიწყო, თუმცა პროგრამის შეჩერებისა და დახურვის შემდეგ, პროგრამის ეს კომპონენტი ორგანიზაციამ მოხალისეობრივად, საკუთარი რესურსებით განახორციელა. მეორე ფაზაში გამარჯვებული კლუბები არიან: I ადგილი – საჩხერის სამოქალაქო განათლების კლუბი „Dream Team“ II ადგილი – ქუთაისის სამოქალაქო განათლების კლუბი „Horizonti“ III ადგილი – ბაღდათის სამოქალაქო განათლების კლუბი „Gen Z ცვლილებებისთვის“ პროგრამის მიზანია გააძლიეროს მოსწავლეთა შესაძლებლობები სამოქალაქო განათლების მიმართულებით – პროექტებისა და აქტივობების ორგანიზებისა და განხორციელების გზით. გეიმიფიცირებულ პროგრამაში მონაწილეობდა იმერეთის რეგიონის ყველა (12-ვე) მუნიციპალიტეტში შექმნილი სამოქალაქო განათლების კლუბები. თითოეულ კლუბში იყო 15 მოსწავლე, ასაკით 14-დან 17 წლამდე. პროგრამის ფარგლებში კლუბებმა ჯამში განახორციელეს 242 ინიციატივა, რაც მოიცავდა 960-მდე სხვადასხვა აქტივობას! მონაწილეები მუშაობდნენ ისეთ მნიშვნელოვან თემებზე, როგორიცაა: გარემოს დაცვა; მოსწავლეთა და ადამიანთა უფლებები; ჯანსაღი ცხოვრება; თანასწორობა, მედიაწიგნიერება, დემოკრატია და სხვა… პროგრამის ხანგრძლივობა შეადგენდა 4 თვეს. ინიციატივა განხორციელდა სამეცნიერო ინტელექტუალური კლუბი “თაობათა დიალოგის” ორგანიზებით. The post დასრულდა პროგრამა „სამოქალაქო განათლების ჩემპიონების“ მეორე ფაზა! first appeared on RICDOG.
