თავისუფლება
საკონტაქტო ინფორმაცია
ვებ-გვერდი
ეფ-ფოსტა
tavisupleba@rferl.orgტელეფონი
+995322922368მისამართი
თბილისი / (მთაწმინდა) ტატიშვილი ერეკლეს ქ. -3/5
მიანმაში მიწისძვრის შედეგად დაღუპულთა რიცხვი 1700-ს აღწევს, ბევრი კვლავ დაკარგულია
გამოქვეყნებულია
თავისუფლება
სხვა სიახლეები
იხილეთ სხვა სიახლეები ამ კომპანიისგან
რუსეთმა დარტყმები განახორციელა კიევზე, სუმის ოლქსა და კრივოი როგზე, დაიღუპა ადამიანი
შაბათიდან კვირის ღამეს რუსეთმა დრონებით მასშტაბური იერიში მიიტანა უკრაინის დედაქალაქ კიევზე. დაზიანდა რამდენიმე სახლი, გაჩნდა ხანძრები - იუწყება ქალაქის მერი, ვიტალი კლიჩკო. სარაკეტო დარტყმის სამიზნე იყო კრივოი როგი, იქ დაიღუპა ერთი ადამიანი, დაიჭრა ოთხი პირი. დანგრეულია უკრაინის მართლმადიდებელი ეკლესიის ტაძარი. ოთხი სამოქალაქო პირი დაშავდა სუმის ოლქზე იერიშის შედეგად, დაზიანებულია კერძო სახლები. დრონებით შეტევის შედეგად ერთ კერძო სახლს ცეცხლი გაუჩნდა ოდესის ოლქში, დაშავდა სამი...
სრულად ნახვა
ჰამასმა გაათავისუფლა ექვსი ისრაელელი მძევალი, იწურება ცეცხლის შეწყვეტის შეთანხმების პირველი ეტაპი
პალესტინელთა ორგანიზაცია ჰამასმა, რომელიც აშშ-ის და ევროკავშირის მიერ ტერორისტულ ჯგუფადაა აღიარებული, გაათავისუფლა ექვსი ისრაელელი მძევალი - უკანასკნელი ცოცხლად დარჩენილი პირები 33 ადამიანისგან შემდგარი იმ ჯგუფიდან, რომელთა გათავისუფლებაც გათვალისწინებული იყო ღაზაში ცეცხლის შეწყვეტის შეთანხმების პირველი ფაზის დროს. გათავისუფლებულთაგან ორი პირი ჰამასის ტყვეობაში იყო თითქმის ათწლეულის განმავლობაში. ისრაელის პრეზიდენტი, ისააკ ჰერცოგი პლატფორმაზე X მიესალმა მათ გათავისუფლებას "ჯოჯოხეთის...
სრულად ნახვა
აშშ-ს არ სურს გაეროში უკრაინის მხარდამჭერი რეზოლუციის თანაინიციატორობა - Reuters-ის წყაროები
დიპლომატიურმა წყაროებმა სააგენტო Reuters-ს აცნობეს, რომ აშშ-ს არ სურს გაეროს გენერალური ასამბლეის იმ რეზოლუციის თანაინიაციატორობა, რომელიც ომის მესამე წლისთავს ეძღვნება, გმობს რუსეთის აგრესიას და მხარს უჭერს უკრაინის ტერიტორიულ მთლიანობას. Reuters-ის თანახმად, ეს ასახავს მზარდ განხეთქილებას უკრაინის პრეზიდენტ ვოლოდიმირ ზელენსკისა და აშშ-ის პრეზიდენტ დონალდ ტრამპს შორის, რომელსაც ომის სწრაფად დასრულება სურს და რომლის გუნდმაც რუსეთთან მოლაპარაკება უკრაინის გარეშე გამართა. გაეროს გენერალური...
სრულად ნახვა
"მივდივარ სასამართლოზე, არც ბილეთი მაქვს აღებული, არც ვცდილობ ვინმეს რაიმე შევეხვეწო" - მამუკა ხაზარაძე
"ძლიერი საქართველოს" ლიდერმა მამუკა ხაზარაძემ პარტიის ოფისში მედიისთვის გამართულ ბრიფინგზე განაცხადა, რომ სასამართლოსგან მიიღო ცნობა, დღეს, 27 მარტს, მოწმის სახით გამოკითხვასთან დაკავშირებით. ხაზარაძის მიმართ გამოძიება სისხლის სამართლის კოდექსის 349-ე მუხლით მიმდინარეობს, რაც „დროებითი საგამოძიებო კომისიის მოთხოვნის შეუსრულებლობის“ გამო ჯარიმას ან ერთ წლამდე პატიმრობას ითვალისწინებს. "ქართული ოცნების" პარლამენტში შექმნილმა კომისიამ, რომელიც "ნაციონალური მოძრაობის" მმართველობისას ჩადენილ...
სრულად ნახვა
"ხელი გაუშვი ჩემი შვილია" - თბილისში დედების მარში გაიმართა
"ხელი გაუშვი, ჩემი შვილია" - ამ ლოზუნგით თბილისში დედების მარში გაიმართა. აქციის მონაწილეები ფილარმონიის საკონცერტო დარბაზის შენობიდან, კოსტავას ქუჩისა და რუსთაველის გამზირის გავლით, პარლამენტისკენ გაემართნენ.
სრულად ნახვა
ცესკოს თავმჯდომარე აკვირდებოდა ტაჯიკეთის არჩევნებს, რომელიც ოპოზიციის და ეუთოს დამკვირვებლების გარეშე ჩატარდა
საქართველოს ცენტრალური საარჩევნო კომისიის თავმჯდომარე გიორგი კალანდარიშვილი, რომელსაც საქართველოში „ქართულ ოცნებასთან“ ერთად არჩევნების გაყალბებას ედავებიან, ტაჯიკეთის არჩევნებს აკვირდებოდა.
სრულად ნახვაბირთვული იარაღის გამოცდის აკრძალვის ორგანიზაცია გაფრთხილებით გამოვიდა შეთანხმებიდან რუსეთის შესაძლო გასვლის თაობაზე. აშშ მოსკოვს აკრიტიკებს
ბირთვული იარაღის გამოცდის აკრძალვის ორგანიზაციის ხელმძღვანელმა, რობერტ ფლოიდმა განაცხადა, რომ რუსეთის შესაძლო გასვლა შეთანხმებიდან, რომელიც ბირთვული იარაღის გამოცდის აკრძალვას ეხება, შეშფოთების საფუძველს იძლევა და სამწუხაროა. ფლოიდის სიტყვებით, შეთანხმებას, რომელსაც რუსეთმა 2000 წელს გაუკეთა რატიფიკაცია, ფასდაუდებელი წვლილი შეაქვს საერთაშორისო მშვიდობის საქმეში. რუსეთმა მინიშნება გააკეთა, რომ მას შეუძლია ბირთვული იარაღის გამოცდის აკრძალვის შეთანხმების რატიფიცირება გააუქმოს. შეთანხმება გაფორმდა 1996 წელს და ის საბოლოოდ ძალაში შედის ბირთვული იარაღის მქონე ყველა ქვეყნის მიერ რატიფიცირების შემდეგ. რადგან ყველა ქვეყანას არ აქვს ის დამტკიცებული, შეთანხმება არ არის ძალაში შესული, თუმცა 1990-იანი წლებიდან ბირთვული იარაღის მქონე ქვეყნები, ჩრდილოეთი კორეის გარდა, უარს ამბობენ ბირთვული იარაღის გამოცდაზე. რუსეთის დუმის თავმჯდომარემ, ვოლოდინმა განაცხადა, რომ დუმას შეუძლია რუსეთის მიერ 2000 წელს შეთანხმების რატიფიცირების გაუქმება. ვოლოდინმა ვაშინგტონსა და ბრიუსელს ბრალად დასდო, რომ რუსეთის წინააღმდეგ ომი გააჩაღეს. მისი თქმით, დღევანდელი გამოწვევები ახალი გადაწყვეტილებების მიღებას გვიკარნახებენ. უფრო ადრე, რუსეთის პრეზიდენტმა, ვლადიმირ პუტინმა დაიმუქრა, რომ გადადგამს ასეთ ნაბიჯს, რადგან აშშ-ს ბირთვული იარაღის გამოცდის აკრძალვის ამ შეთანხმების რატიფიცირება არასოდეს მოუხდენია. პუტინის თქმით, მოსკოვს შეუძლია ვაშინგტონს მიბაძოს. რუსეთის წარმომადგენლის განცხადებას გამოეხმაურა აშშ-ის სახელმწიფო დეპარტამენტი. Reuters-ს მოჰყავს უწყების წარმომადგენლის განცხადება, რომ აშშ შეშფოთებულია რუსეთის წარგზავნილის განცხადებით რუსეთი მიერ ბირთვული იარაღის გამოცდის აკრძალვის შეთანხმების რატიფიკაციის გაუქმების შესახებ. „ასეთი ნაბიჯი, რომელსაც გადადგამს შეთანხმებაზე ხელისმომწერი ნებისმიერი სახელმწიფო, საფრთხეს უქმნის მსოფლიო ნორმას, რომელიც კრძალავს ბირთვული იარაღის გამოცდას“ - წერია დეპარტამენტის წარმომადგენლის განცხადებაში. რუსეთს ამჟამად 5900 ბირთვული ქობინი აქვს. ბირთვული იარაღის ბოლო გამოცდა საბჭოთა კავშირმა 1990 წელს მოაწყო. არსებობს გავერაგებულა შეშფოთება, რომ რუსეთს შეუძლია მოაწყოს ბირთვული იარაღის გამოცდა, რათა დასავლეთმა აღარ გაუწიოს მხარდაჭერა უკრაინას რუსეთთან ომში.
სრულად ნახვააშშ-მა ორი რუსი დიპლომატი გააძევა ქვეყნიდან მოსკოვის მსგავსი ნაბიჯის საპასუხოდ
აშშ-მა 6 ოქტომბერს გამოაცხადა, რომ ქვეყანას ატოვებინებს ორ რუს დიპლომატს მას მერე, რაც გასულ თვეში მოსკოვმა ქვეყნიდან გააძევა ორი ამერიკელი დიპლომატი. რუსეთი ფედერაციის მიერ მოსკოვში აშშ-ის საელჩოს ორი დიპლომატის "გამოგონილი" მიზეზით გაძევების საპასუხოდ აშშ-მა პერსონა ნონ გრატად გამოაცხადა რუსეთის საელჩოს ორი თანამშრომელი, რომლებიც აშშ-ში მუშაობდნენ - იტყობინება სახელმწიფო დეპარტამენტი. უწყების წარმომადგენელმა, მეთიუ მილერმა განაცხადა, რომ „არ შეეგუება იმას, თუ რაგვარად დევნის რუსეთის მთავრობა ჩვენს დიპლომატებს“. სექტემბრის შუა რიცხვებში რუსეთის საგარეო საქმეთა სამინისტრომ მოსკოვში ამერიკის საელჩოს ორი თანამშრომელი არასასურველ პირებად გამოაცხადა და მათ შვიდ დღეში რუსეთის ტერიტორიის დატოვება მოსთხოვა. გადაწყვეტილება ეხებოდა აშშ-ს საელჩოს პირველ მდივან ჯეფრი სილინს და მეორე მდივანს, დევიდ ბერნშტეინს, რომლებსაც მოსკოვმა ბრალად წაუყენა დიპლომატიურ სტატუსთან შეუთავსებელი მოქმედება. სილინსა და ბერნშტეინს, სავარაუდოდ, კონტაქტი ჰქონდათ რობერტ შონოვთან, ვლადივოსტოკში აშშ-ს საკონსულოს ყოფილ თანამშრომელთან, რომელიც ამჟამად საპატიმროში იმყოფება. მას, სავარაუდოდ, ფინანსური ანაზღაურების სანაცვლოდ დავალება ეძლეოდა, ზიანი მიეყენებინა რუსეთის სახელმწიფო უსაფრთხოებისთვის. შემდეგ მოსკოვში აშშ-ის საელჩომ უარყო რუსული მხარის ყველა ბრალდება და გამოხატა მკაცრი პროტესტი „საელჩოს თანამშრომლების დაშინებასა და შევიწროებასთან დაკავშირებით“. აშშ-სა და რუსეთს შორის დიპლომატიური ურთიერთობა დაბალ დონეზე იყო ბოლო წლების მანძილზე და უკრაინაში რუსეთის შეჭრის შემდეგ კიდევ უფრო გაუარესდა.
სრულად ნახვასახალხო დამცველი: შემაძრწუნებელია 14 წლის გოგოს მკვლელობის უმძიმესი ფაქტი
საგარეჯოს მუნიციპალიტეტის სოფელ ლამბალოში 14 წლის გოგოს მკვლელობის შესახებ განცხადება გაავრცელა საქართველოს სახალხო დამცველმა. ის მიიჩნევს, რომ სახელმწიფოს მიერ გადადგმული ნაბიჯები ადრეულ ასაკში ქორწინებისა და ფემიციდის შემთხვევებზე არასაკმარისია. „შემაძრწუნებელია 14 წლის გოგოს მკვლელობის უმძიმესი ფაქტი და საგანგაშოა გავრცელებული ინფორმაცია ამ ტრაგიკულ ფაქტამდე მისი თავისუფლების უკანონო აღკვეთისა და იძულებით ბავშვობის ასაკში ქორწინების შესახებ. მიუხედავად, შესაძლო ადრეულ ასაკში ქორწინების ფაქტებზე დაწყებული გამოძიების მაღალი მაჩვენებლისა, ქვეყანაში კვლავ პრობლემად რჩება როგორც, ბავშვთა ქორწინების შემთხვევების ასევე, სავარაუდო ქორწინების იძულების ფაქტების გამოვლენა და გადამისამართება. კრიტიკულად დაბალია რეფერირებაზე პასუხისმგებელი პირების ცნობიერება ბავშვობის ასაკში ქორწინების გამოვლენის ინდიკატორების, პროცედურებისა და მათი ვალდებულებების შესახებ. სახელმწიფოს მიერ გადადგმული ნაბიჯები ადრეულ ასაკში ქორწინებისა და ფემიციდის შემთხვევებზე არასაკმარისია და საჭიროებს სისტემურ და კოორდინირებულ მუშაობას როგორც ცენტრალურ, ასევე ადგილობრივ დონეზე", - აცხადებს ომბუდსმენი. სახალხო დამცველი აცხადებს, რომ ქალთა მიმართ დისკრიმინაციის აღმოფხვრის კომიტეტის მოწოდების მიუხედავად, სახელმწიფოს არ გაუძლიერებია მუშაობა გენდერული ძალადობის წინააღმდეგ ისეთ რეგიონებში, სადაც გენდერული ნორმები და სტერეოტიპები განსაკუთრებით ძლიერად მოქმედებს. როგორც განცხადებაშია ნათქვამი, საქართველოს სახალხო დამცველი შეისწავლის ქალთა მკვლელობის და მკვლელობის მცდელობის შემთხვევებს, ბავშვობის ასაკში ქორწინების საქმეებს და არსებული გამოწვევების საპასუხოდ მნიშვნელოვნად მიიჩნევს მყისიერი ნაბიჯების გადადგმას. „უნდა მოხდეს ყველა შესაბამისი უწყების დროული და ეფექტური ჩართულობა და რეაგირება, მათ შორის მკაცრი პოლიტიკის გატარება დანაშაულის შეუტყობინებლობის შემთხვევებზე. ასევე, მნიშვნელოვანია სახელმწიფომ შეისწავლოს პასუხისმგებელი პირების მიერ რეფერირების პროცედურების შესაძლო დარღვევის ფაქტები", - აცხადებს ომბუდსმენი. საგარეჯოს მუნიციპალიტეტის სოფელ ლამბალოში კაცმა 14 წლის გოგო მოკლა, რომელთანაც არარეგისტრირებულ „ქორწინებაში” იმყოფებოდა. შემთხვევა 6 ოქტომბერს, დღის პირველ ნახევარში მოხდა. შინაგან საქმეთა სამინისტრომ მკვლელობის ფაქტზე გამოძიება სისხლის სამართლის კოდექსის მე-11 პრიმა 109-ე მუხლით დაიწყო, რაც ოჯახის წევრის მიმართ დამამძიმებელ გარემოებებში განზრახ მკვლელობას გულისხმობს. დამნაშავეს 16-დან 20 წლამდე ან უვადო პატიმრობა ემუქრება.
სრულად ნახვამოლდოვის პრეზიდენტის თქმით, მის ქვეყანაში გადატრიალებას „ვაგნერელები“ ამზადებდნენ
მოლდოვის პრეზიდენტი, მაია სანდუ ამტკიცებს, რომ ქვეყნის ამჟამინდელი მთავრობის ჩამოგდების მცდელობის უკან, რაზეც წლის დასაწყისიდან ლაპარაკობენ, რუსეთის დაქირავებულ მებრძოლთა კერძო სამხედრო გაერთიანება „ვაგნერი“ იყო ევგენი პრიგოჟინის მეთაურობით. ამის შესახებ სანდუმ განაცხადა Financial Times-ში ინტერვიუში, რომელიც 6 ოქტომბერს გამოქვეყნდა. სანდუს თქმით, ახლა უკვე გარდაცვლილი პრიგოჟინი სახელმწიფო გადატრიალების დაგეგმვაში მონაწილეობდა. „ჩვენ ხელთ არსებული ინფორმაციით, ეს იყო გეგმა, რომელიც მოამზადა პრიგოჟინის გუნდმა,“ - განაცხადა მოლდოვის პრეზიდენტმა და დასძინა, რომ შეთქმულების მონაწილეებს სურდათ, რომ მასობრივი ანტისამთავრობო გამოსვლები შეტაკებებში გადაზრდილიყო. მაია სანდუ ვარაუდობს, რომ პრორუსული ძალები მოლდოვაში კვლავაც მიიღებენ ქვეყნის დესტაბილიზაციისთვის დაფინანსებას მოსკოვიდან. მისი თქმით, მოლდოვის სპეცსამსახურებმა მიაკვლიეს სულ მცირე, 20 მილიონ ევროს, რომელიც, სავარაუდოდ, რუსეთმა ქვეყანაში შეიტანა პოლიტიკური მიზნებისთვის, მაგრამ რეალური რიცხვი აშკარად უფრო მაღალია. „სიტუაცია მართლაც დრამატულია და ჩვენ თავი უნდა დავიცვათ“, - თვლის მოლდოვის პრეზიდენტი. სანდუს ამ განცხადებებზე რუსეთის ხელისუფლებას კომენტარი ჯერ არ გაუკეთებია. როგორც რადიო თავისუფლების მოლდოვური სამსახური წერს, ინტერვიუ იმ დროს შედგა, როდესაც ევროკავშირის ლიდერები გრანადაში განიხილავენ მოლდოვის რესპუბლიკისა და აღმოსავლეთ ევროპის სხვა ქვეყნების ევროპულ ბლოკში გაწევრიანების პერსპექტივებს. მაია სანდუმ სამიტზე განაცხადა, რომ ევროკავშირში მიღება საუკეთესო საშუალებაა მოლდოვის უსაფრთხოების უზრუნველსაყოფად. 5 ნოემბერს მოლდოვაში ადგილობრივი ხელისუფლების საყოველთაო არჩევნები გაიმართება. როგორც Financial Times-ი იტყობინება, ქვეყნის ზოგიერთ რაიონში სანდუს მმართველი პარტია რთულ მდგომარეობაში აღმოჩნდა. მათ შორისაა დედაქალაქი კიშინიოვი. სანდუს თქმით, მას აქვს მტკიცებულება, რომ მოსკოვი ცდილობს მიაღწიოს პრორუსული ძალების წარმატებას რეგიონულ არჩევნებში, შემდეგ გააძლიეროს ისინი მომავალ წელს საპრეზიდენტო და 2025 წლის საპარლამენტო არჩევნებზე, წერს BBC-ის რუსული სამსახური. ინფორმაცია რუსეთის გეგმაზე კიშინიოვში პროდასავლური ხელისუფლების დამხობის შესახებ პირველად უკრაინის პრეზიდენტმა, ვოლოდიმირ ზელენსკიმ გაავრცელა და თქვა, რომ გეგმას მისი ქვეყნის სპეცსამსახურებმა მიაკვლიეს. გეგმის არსებობა დაადასტურა მაია სანდუმ. რუსეთის საგარეო საქმეთა სამინისტრომ მაშინ განაცხადა, რომ სანდუს ბრალდებები სრულიად დაუსაბუთებელია. უწყებამ დაადანაშაულა უკრაინა დაძაბულობის ესკალაციაში და მცდელობაში, ჩაითრიოს კიშინიოვი "რუსეთთან მძაფრ კონფრონტაციაში". ინფორმაცია იმის შესახებ, რომ "ვაგნერი" მონაწილეობდა მოლდოვაში არეულობების მომზადებაში, ადრე გამოჩნდა აშშ-ს თავდაცვის სამინისტროს საიდუმლო დოკუმენტზე დაყრდნობით. დოკუმენტში, რომელსაც აპრილში რადიო თავისუფლების კორესპონდენტი გაეცნო, ნათქვამია, რომ რუსეთი აგრძელებდა მოლდოვაში სიტუაციის დესტაბილიზაციის მცდელობებს მიუხედავად იმისა, რომ მისი განზრახვებს ამ ქვეყნის ხელისუფლებამ ფარდა ახადა.
სრულად ნახვა